”Aston Villa”nın aparıcı yarımmüdafiəçisi Ceyms Milnerin “Mançester Siti”yə keçəcəyi güman edilir. Ancaq İngiltərə yığmasının üzvü uğrunda mübarizəyə “Tottenhem”in də qoşulması “şəhərlilər”i çətin vəziyyətə salıb. London klubunun baş məşqçisi Harri Rednapp Milneri alacaqları təqdirdə, mövsümün transferini həyata keçirmiş olacaqlarını bildirib. O, həmçinin, Milnerlə yarımmüdafiənin cinahındakı problemin həll olunacağına əminliyini vurğulayıb. Qeyd edək ki, bir neçə gün əvvəl “Mançester Siti” Milnerin transferi üçün 24 milyon funt-sterlinq təklif etmişdi. Lakin “Aston Villa” rəhbərliyi 30 milyon funt-sterlinqdən aşağı düşmək niyyətində deyil. “Tottenhem”in nə qədər pul təklif edəcəyi maraqla gözlənilir.
Menecer: “Balotelli “Mançester Siti” ilə hələ müqavilə bağlamayıb ”İnter”in hücumçusu Mario Balotellinin karyerasını harada davam etdirəcəyi hələ də məlum deyil. İtaliya KİV-nin yaydığı informasiyaya görə, 19 yaşlı forvard “Mançester Siti” ilə danışıqlar aparır və hətta tərəflər arasında razılıq da əldə edilib. Bir vaxtlar “İnter”i çalışdırmış “Mançester Siti”nin baş məşqçisi Roberto Mançininin keçmiş yetirməsi ilə görüşüb anlaşdığı bildirilir. Futbolçunun menecerinin açıqlaması da onun “şəhərlilər”ə keçəcəyinə işarədir: “Bəli, “Mançester Siti” Balotelli ilə maraqlanır. İngiltərə klubu ilə həftənin birinci və ya ikinci günü görüşəcəyik. Amma indiki vəziyyətdə Balotelli “Mançester Siti” ilə müqavilə bağlamayıb”.
Kolarov: “Hədəfimiz Premyer Liqa çempionluğudur” ”Mançester Siti”nin “Latsio”dan transfer etdiyi Aleksandr Kolarov yeni klubu və keçidi haqda fikir bildirib. Serbiya yığmasının sol cinah müdafiəçisi ən böyük arzusunu da deyib: “çox xoşbəxtəm ki, “Mançester Siti” kimi böyük bir kluba keçmişəm. Burada şərait fantastikdir. Artıq gələn həftədən etibarən yeni komanda yoldaşlarıma qoşulacağam. Mənim ən böyük arzum “Mançester Siti”nin heyətində çempionlar Liqasının qalibi olmaqdır. Amma indi Premyer Liqa çempionluğu əsas hədəfimizdir”.
 
Bu xəbər 59 dəfə oxunub. | 
